भीम रावलकाे प्रश्न – सत्ताको खेलमा सांसदलाई अपहरण शैलीमा काठमाडौं किन ल्याईयो ?

काठमाडौँ – नेकपाका नेता भीम रावलले तराईबाट सांसदलाई काठमाडौँमा ल्याएर होटलमा थुन्ने प्रवृत्तिबारे प्रश्न गरेका छन् ।
उनले यस प्रकरणमा गम्भिर छानविन हुनुपर्ने बताएका छन् ।

दल फुटाउन खुकुलो हुने अध्यादेश सरकारको सिफारिसमा राष्ट्रपतिले जारी गरेलगत्तै समाजवादी पार्टीलाई विभाजन गर्नका लागि केही सांसदहरुलाई काठमाडौँको मेरियट होटलमा राखिएकोमा सामाजिक संजालमा स्टाटस लेख्दै उनले यसको छानबिन गरी गैरकानुनी काम गर्नेलाई कारबाही गर्नुपर्ने बताएका छन् ।

यसअघि जनकपुरमा रहेका सांसद सुरेन्द्र यादवलाई त्यहाँबाट अपहरणको शैलीमा काठमाडौँ ल्याइएको भनिएको थियो ।

उनले यो गैरकानुनी कार्यमा संलग्नहरुलाई कानुन बमोजिम कारबाहीको माग गरेका हुन् ।

सत्ताको खेलमा सांसदलाई होटलको कोठामा थुनेर,अपहरण शैलीमा तराईबाट काठमाडौं ल्याएर सिध्दान्त, आदर्श, मूल्य र मान्यताको धज्जी उडाउँदै राजनीतिलाई फोहरी आहाल बनाई बदनाम गर्ने विगतको दुःखद स्थिति अध्यादेश प्रकरणमा दोहोरिएको छ ।यसको छानविन गरी गैरकानुनी कार्य गर्नेलाई कार्वाई हुनुपर्छ ।

— Bhim Rawal, Ph. D (@BhimRawal179) April 23, 2020