समाजवादी पार्टी र राजपाबीच एकता, नयाँ पार्टीको नाम जनता समाजवादी पार्टी, नेपाल

काठमाडौं । समाजवादी पार्टी र राजपाबीच पार्टी एकता गर्ने सहमति भएको छ । दुई पार्टीका शीर्ष नेताहरुबीचको बैठकले यस्तो सहमति गरेको हो ।

नयाँ एकीकृत पार्टीको नाम जनता समाजवादी पार्टी, नेपाल हुने भएको छ । पार्टीको झण्डा समाजवादी पार्टीको हालको झण्डा रहने र चुनाव चिन्ह राजपाको हालको चुनाव चिन्ह छाता रहने पनि सहमति भएको छ ।

समानताको आधारमा पार्टी एकीकरण गरिने सहमतिपत्रमा उल्लेख छ ।