देशी विदेशी प्रतिक्रियावादी शक्तिहरु नेकपालाई कमजोर पार्ने प्रयत्न गरिरहेका छन् – प्रचण्ड

काठमाडौँ – नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ देशी विदेशी प्रतिक्रियावादी शक्तिहरु नेकपालाई कमजोर पार्ने प्रयत्नमा निरन्तर लागिरहेको बताएका छन् ।

नेपाल कम्युनिष्ट पार्टी (नेकपा) को ७१ औँ स्थापना दिवसको अवसरमा बुधबार शुभकामना सन्देश दिँदै प्रचण्डले पार्टी थप सुदृढ बनाउनका लागि सकारात्मक पहलको खाँचो रहेको बताए ।

उनले पार्टीलाई थप बलियो र सुदृढ बनाउनका लागि सबैले आ–आफ्नो स्थानबाट सकारात्मक प्रयास गर्नु पर्ने पनि बताएका छन् ।

प्रतिक्रियावादी षड्यन्त्रलाई परास्त गर्नु, जनमत र जनभावनाको सम्मान गर्दै समाजवादका आधार तयार गर्नु नेकपाको ऐतिहासिक कार्यभार रहेको प्रचण्डले उल्लेख गरेका छन् ।

नेकपा स्थापनाको ऐतिहासिक अवसरमा पार्टी एकताको महत्वलाई बुझ्न र पार्टीलाई अझ सुदृढ गर्न आ–आफ्नो ठाउँमा सकारात्मक पहलका लागि उनले नेता–कार्यकर्तासँग आग्रह गरेका छन् ।