राहतमा घीन लाग्दो राजनीति – कांग्रेसले दिएको भन्दै कम्युनिस्ट प्रमुखले लिन मानेन

मोरङ्ग – नोवेल मेडिकल कलेजका सञ्चालक तथा कांग्रेसका मोरङ क्षेत्र नं. ३ का उम्मेद्वार  डा. सुनिल शर्माले आफ्नो निर्वाचन क्षेत्रमा रहेका चार गाउँपालिकाहरुलाई प्रदान गरेको सहयोग रकम कानेपोखरि गाउपालिकाका अध्यक्ष ताराबहादुर काफ्लेले अस्विकार गरेका छन् |

प्रमुख काफ्लेले आफू कम्युनिष्ट भएको र शर्मा कांग्रेस भएकैले सहयोग स्वीकार नगरेको नजिकका कार्यकर्तालाई बताएपछि उनको ब्यापक आलोचना भएको छ |

डा शर्माले लकडाउनका कारण पीडित भएका स्थानीयलाई ३० लाख रुपैयाँ सहयोग गर्ने घोषणा गरेका थिए |

बेलवारी नगरपालीकाको कार्यालयमा एक कार्यक्रमको आयोजना गरि उक्त सहयोग रकम स्थानीय गाउँपालीकाहरुलाई प्रदान गरेका  थिए।

सहयोग रकम सुन्दरहरैचा नगरपालिका, बेलवारी नगरपालिका, पथरी शनिश्चरे नगरपालिका तथा कानेपोेखरी गाउँपालिका लाई भनेर छुट्याइएको थियो ।

तीन वटा नगरपालिकाका प्रमुखहरु बेलवारी नगरपालिकाको कार्यालयमा गई सहयोग रकम लिए पनि कानेपोखरि गाउपालिकाका अध्यक्ष ताराबहादुर काफ्लेले भने विभिन्न बहाना बनाउदै अस्विकार गरेका हुन् |

आधिकारिक जानकारी नआएका कारण सहयोग रकम लिन नगएको बताएका छन् ।

तर बेलवारी नगरपालिका प्रमुखले भने आफूले निरन्तर कानेपोखरी गाउपालिकाका अध्यक्षसँग सम्पर्कमा रहेको तथा सो विषयमा जानकारी गराएको समेत जानकारी गराएका छन् ।

नोवेल मेडिकल कलेज सञ्चालक शर्माले यो समय राजनिति गर्ने समय नभएको भन्दै कानेपोखरी गाउपालिकाका अध्यक्षको सो कदम न्युनतम मानवीय मुल्य र मान्यता को समेत विरुद्ध रहेको बताएका छन् ।

यो समय हरेक नागरिकले आफूलाई ब्रह्मनालमा राखेर सोच्ने समय भएको बताउदै उनले विद्वान बर्गवाट यस्तो कार्यको अपेक्षा नगरिएको समेत बताए ।