सचिवालय बैठकमा भएको निर्णय ओलीले अवज्ञा नगर्ने विश्वास छ : प्रचण्ड

काठमाडौँ- नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले सचिवालय बैठकमा भएको निर्णयको प्रधानमन्त्री केपी शर्मा ओलीले अवज्ञा नगर्ने विश्वास व्यक्त गरेका छन्।

चितवनमा भएको कार्यक्रममा अध्यक्ष प्रचण्डले प्रधानमन्त्री ओली र आफ्नो अध्यक्षतामा बसेको बैठकले सर्वसम्मत निर्णय गरेको र त्यो निर्णयलाई प्रधानमन्त्रीले अवज्ञा नगर्ने बताएका हुन्। पार्टी उपध्यक्ष बामदेव गौतमलाई राष्ट्रियसभामा लैजाने निर्णय भएपनि तत्काल संविधान संशोधनको प्रकृया अगाडी नबढ्ने प्रचण्डले बताए।

संविधान संशोधन आफ्नो प्रकृयामा हुदै जाने कुरा भएको भन्दै प्रचण्डले गौतम राष्ट्रियसभामा अहिले नै जाने भनेर निर्णय गरिएको बताएका छन। राष्ट्रियसभा सदस्य थप्ने कुरा भने नभएको भन्दै अध्यक्ष प्रचण्डले सचिवालय बैठकमा अहिले त्यो सम्भव नरहेको बताए।