भ्रष्टाचारविरुद्ध बोल्दा आफ्नो मन्त्री पद गुमाए- पूर्वमन्त्री तामाङ

काठमाडौँ- भ्रष्टाचारविरुद्ध बोल्दा आफ्नो मन्त्री पद गुमेको पूर्वकानून न्याय तथा संसदीय मामिलामन्त्री शेरबहादुर तामाङले बताएका छन्।

सभामुख अग्निप्रसाद सापकोटाको बधाई कार्यक्रममा सत्तारुढ नेपाल कम्युनिस्ट पार्टी (नेकपा)को सांसद रहेका तामाङले भ्रष्टाचारविरुद्ध अभियानमा लाग्ने क्रममा आफुले पद गुमाउन परेको जिकिर गरेका हुन्। उक्त कार्यक्रम जिल्ला समन्वय समिति सिन्धुपाल्चोकले शनिबार आजना गरेको थियो ।

उनले भने, “बालुवाटारस्थित ललिता निवास बेचेर खाने धेरै छन्, भ्रष्टाचारविरुद्धको मु्द्दाको फाइल खोल्न आवश्यक छ ।भ्रष्टाचार नियन्त्रणका लागि ठूलादेखि साना सबैले भ्रष्टाचारीको पर्दाफास गर्नुपर्छ। “