सरकारलाई समर्थन गर्ने राजपाको संकेत

काठमाडौं – आफ्ना मागमा सरकार सकारात्मक भए सरकारलाई समर्थन गर्न सकिने राष्ट्रिय जनता पार्टी (राजपा) नेपालले संकेत गरेको छ । प्रतिनिधिसभा बैठकमा राष्ट्रिय जनता पार्टी (राजपा) नेपालका नेता महेन्द्र राय यादवले सरकारले आफुहरुसंग गरेको सहमति कार्यान्वनय गर्न तयार भए समर्थन जनाउन सकिने बताए ।

सहमति कार्यान्वयनमा सत्तारुढ दल सकारात्मक नदेखिएपछि समर्थन फिर्ता लिनुपरेकाले संविधान संशोधन लगायत मुद्धामा आफुहरु स्पष्ट भएको उनले बताए ।

संविधान संशोधन, रेशम चौधरी लगायत थारुहट र मधेश आन्दोलनका सहभागिहरुमाथि लगाइएको झुठा मुद्धा फिर्ता लिन सरकार तयार भए सरकारलाई पुनः समर्थन गर्न सकिने उनको भनाई छ ।