विकासको गतिलाई समाउन सक्ने गरि अघि बढौं -प्रम ओली

काठमाडौं-प्रधानमन्त्री केपी शर्मा ओलीले नवनिर्वाचित सभामुख अग्नि प्रसाद सापकोटालाई सफल कार्यकालको शुभकामना दिएका छन् ।

नयाँ सभामुख पाएपछि प्रतिनिधिसभाको पहिलो बैठकमा प्रधानमन्त्री ओलीले नागरिकको सर्वोच्च प्रतिनिधिसंस्था संसदको प्रतिनिधिसभाको सभामुख जस्तो पदमा निर्वाचित भएकोमा सफल कार्याकालयको शुभकामना दिएका हुन् ।

उनले संसदले पुरा गर्नुपर्ने भूमिकालाई प्रभावकारी ढंगले अघि बढाउन संसद संचालनको गहन अभिभारा काँधमा आएको भन्दै अभिभारामा सफलता मिलोस् भन्ने कामना गरे ।

कानुन र नियम संगत संसदलाई मर्यादित ढंगले अघि बढाउने विश्वास व्यक्त गर्दै सरकारले सभा संञ्चालनमा पुर्ण सहयोग रहने पनि उनले बताए ।

कानुनको कार्यान्वयनमा सरकार प्रतिवद्ध रहेको भन्दै उनले आग्रह, पुर्वाग्रह र अनावश्यक बहसमा अल्झन नहुने बताए ।

विज्ञान, प्रविधि र कनेन्टीभिटीको दृष्टिमा दुनिया तिब्र गतिमा अगाडि बढेकोले त्यो गतिलाई समाउन नसक्ने हो भने समय खेर जाने भन्दै उनले विकासको गतिलाई समाउन सक्ने गरि अघि बढ्न सबैलाई आग्रह गरे ।