फिदिम १ मा नेकपा र हिलिहाङ–७ मा कांग्रेस विजयी

पाँचथर-शनिबार सम्पन्न उपचुनावको परिणाम अनुसार फिदिम नगरपालिका वडा नं. १ मा नेकपाका गजाधर भट्टराई र हिलिहाङ गाउँपालिका वडा नं. ७ मा नेपाली कांग्रेसका तिलविक्रम इधिङगो विजयी भएका छन् ।

यस अघिको चुनावमा नेपाली कांग्रेसले जितेको फिदिम–१ मा नेकपाका उम्मेदवार भट्टाईले भारी मतान्तरले जियय हासिल गरेका छन् भने नेकपाको राम्रो पकड मानिएको हिलिहाङ ७ मा नेपाली कांग्रेसले जितेको छ ।

फिदिम नगरपालिका–१, मा सतारुढ दल नेपाल कम्युनिष्ट पार्टी नेकपा का उम्मेदवार भट्टराईले कांग्रेस उम्मेदवार सुबराज थापालई ४ सय ७४ मत अन्तरले जितेका छन् ।

फिदिम १ मा कुल ३ हजार ६ सय ७६ मतदातामध्ये २ हजार ६ सय ८२ मत खसेकोमा भट्टराईले १ हजार ४ सय ४६ मत प्राप्त गरी विजयी भएका हुन् । नेपाली कांग्रेसका उम्मेदवार सुबराज थापाले ९ सय ७२ मत पाए । सो वडामा तत्कालिन नेपाली कांग्रेसको तर्फवाट विजयी भएका हर्क मोक्तानको मृत्युपछि उप चुनाव भएको हो ।

उता हिलिहाङ गाउँपालिका–७, मा नेकपाका उम्मेदवारलाई पराजित गर्दै नेपाली कांग्रेसका तिलविक्रम इधिङगो विजयी भएका छन् । इधिङगोले नेकपाका गेहनाथ रिजालाई ३० मत अन्तरले पराजित गरेका छन् । कांगे्रसका इधिङ

कुल २ हजार ६ सय मतदाता रहेको वडामा शनिबार भएको उपचुनावमा एक हजार ६ सय ९३ मत खसेको थियो । यो वडामा तत्कालीन नेकपा एमालेकोतर्फबाट निर्वाचित वडाध्यक्ष तिर्थ तिमल्सिनाको निधनपछि उपचुनाव भएको हो ।
उता फाल्गुनन्द गाउँपालिकाको प्रमुख पदको लागि भएको निर्वाचनको मत गणना भने केहि वेरपछि मात्र सुरु हुने भएको छ ।