देशभर नेकपाको व्यापक चुनावी सभा,भक्तपुरमा अध्यक्ष प्रचण्डले विशेष सम्बोधन गर्ने

भक्तपुर- आगामी मंसिर १४ गते सम्पन्न हुन गईरहेको उपनिर्वाचनका क्रममा सत्तारुढ दल नेपाल कम्युनिष्ट पार्टी (नेकपा)ले देशभर आफ्नो चुनावी अभियानलाई व्यापक बनाएको छ ।

नेकपा भक्तपुरको आयोजनामा हुने उक्त चुनावी सभा चाँगुनारायण नगरपालिकाको वडा नं. ४, नारायणटारमा दिनको ठिक २ बजे नेकपा भक्तपुरको तर्फबाट प्रदेशसभा सदस्यको उम्मेदवारको लागि देवीप्रसाद ढकाल (डिपी)लाई विजयी गराउन भोली मंसिर ११ गते नेकपाका अध्यक्ष प्रचण्डद्वारा चुनावी सभामा विशेष सम्बोधन गर्ने भएका छन् । अध्यक्ष प्रचण्डको साथमा विशेष अतिथिका रुपमा नेकपाका स्थायी कमिटी सदस्य सुवास नेम्बाङले समेत सम्बोधन गर्ने आयोजकले जनाएको छ ।

सुखी नेपाली, समृद्ध नेपालको नारा, सम्मुनत भक्तपुर निर्माणको हाम्रो अभिभार भन्ने मुख्य नाराका साथ आयोजना गरिएको उक्त बृहत चुनावी सभाको लागि चाँगुनारायण नगरपालिका वडा नं. १, २ र ३ का गेलाल गाउँ, चाँनपा ५ र ९ तथा भक्तपुर नगरपालिका वडा नं. १० का देकोचामा स्थानीयवासी, नेकपाका नेता तथा कार्यकर्ताहरु भेला भई दिनको ठिक १ बजे र्यालीसहित कार्यक्रमका लागी उपस्थित हुन समेत आयोजकले आग्रह गरिएको छ ।

भक्तपुरमा नेकपाका उम्मेदवार ढकाललाई विजयी गराउन नेकपाका विशिष्ठ व्यक्तिहरुले व्यापक मात्रामा साथ र सहयोग गरेका छन् । जसको नेतृत्व नेकपाका केन्द्रीय सदस्य, पूर्वमन्त्री तथा भक्तपुर क्षेत्र नं. २ को तर्फबाट प्रतिनिधिसभाका सांसद महेश बस्नेतले गरिरहेका छन् । बस्नेतलाई भक्तपुरको विकासको पहरेदारको रुपमा समेत लिईन्छ । पद र प्रतिष्ठा भन्दा माथि उठी उहाँले समृद्ध भक्तपुर र सुखी भक्तपुरको जनता बनाउन विशेष भुमिका निर्वाह गर्नुभएको स्थानीयवासीले बताएका छन् ।

देशभर नेकपाको अभियानसँगै जनताको सहभागिता समेत उत्साहजन रहेको छ । स्थानीय, प्रदेश तथा संघको उपनिर्वाचनका लागि कास्की क्षेत्र नं. २ मा संघ, भक्तपुर क्षेत्र नं. १ (क) र दाङमा प्रदेश सभा तथा धरान उपमहानगरपालिका लगायतका स्थानीय तहहरुमा निर्वाचन हुँदैछ । धरान र पोखरामा प्रधानमन्त्री केपी शर्मा ओली र अध्यक्ष पुष्पकमल दाहाल ‘प्रचण्ड’द्वारा चुनावी सभामा विशेष सम्बोधन गर्ने कार्यक्रम रहेको छ |