सीमा विवादबारे ध्यानाकर्षण गर्न भारतलाई ‘कूटनीतिक नोट’

काठमाडौं– नेपाली भूमि अतिक्रमण गरि भारतले नयाँ राजनीतिक नक्सा जारी गरेको विषयमा सरकारले ‘कूटनीतिक नोट’ पठाई भारतको ध्यानाकर्षण गराएको छ। परराष्ट्र मन्त्रालयको उच्च स्रोतका जानकारी अनुसार कूटनीतिक नोट दिल्लीलाई पठाइएको छ ।

यसअघि पनि भारतका लागि नेपाली राजदूत नीलाम्बर आचार्यले भारतीय उच्च अधिकारीसँग भेट गरी समस्या समाधानको पहल गरेका थिए।

परराष्ट्रमन्त्री प्रदीपकुमार ज्ञवालीलेका अनुसार नेपालले भारतसँग आरम्भदेखि नै कूटनीतिक पहल गरिरहेको छ। “भारतसँग कूटनीतिक छलफल भइरहेको छ । सरकारले बाहिर बोल्ने मात्र होइन, भित्र आफ्ना तर्फबाट गर्नुपर्ने कार्य गरिरहेको छ ।” मन्त्री ज्ञवालीले भने ।

कात्तिक १७ मा जारी गरेको नक्सामा भारतले नेपालका लिपुलेक, कालापानी र लिम्पियाधुरालाई अतिक्रमण गरेको हो ।