भारतले मिचेको नेपाली भूमी फर्काउन सरकारलाई सहयोग गर्छौं – सभापति देउवा

काठमाडाैं-नेपाली कांग्रेसका सभापति शेरबहादुर देउवाले भारतले मिचेको सबै भूमी फर्काउन सरकारलाई सहयोग सहयोग गर्ने बताएका छन् |

भारतले जारि गरेको नयाँ नक्शामा नेपाली भूभाग समेतराखेपछि प्रधानमन्त्री केपी शर्मा ओलीले बोलाएको सर्बदलीय बैठकमा सहभागी भएर फर्के लगतै सभापति देउवाले यस्तो धारणा सार्बजनिक गरेका हुन् |

सभापति देउवालॆ भनेका छन् -‘भारतीय सुरक्षा बल रहेको कालापानी लगायतको भुमी नेपालको हो |’

ट्वीटरमार्फत धारणा सार्बजनिक गरेको देउवाले मिचीएको भूभाग फिर्ता लिन सरकारले कुटनैतिक र राजनैतिक पहल गर्नुपर्ने जनाएका छन् |

पूर्व प्राधानमन्त्री समेत रहेका देउवाले ट्वीटमा लेखेका छन् ‘ कालापानी पश्चिमको नदि महाकाली नदि हो। सो पुर्वका हाम्रा सबै भुभाग फिर्ता लिन सरकारले उच्चस्तरीय कुटनैतिक र राजनैतिक पहल गर्नुपर्छ, यसका लागि हाम्रो पुर्ण साथ रहनेछ |’