कांग्रेसमा विवादः बस्दै नबसी केन्द्रीय कार्यसमितिको बैठक सारियाे

काठमाडाैं-नेपाली कांग्रेस केन्द्रीय कार्यसमितिको बैठक स्थगित भएको छ । १४ मंसिरमा हुने संघीय संसदको उपनिर्वाचनको उम्मेदवार छनोट गर्नको लागि भनेर बोलाइएको बैठक अन्तिम समयमा आएर स्थगित भएको हो ।

संस्थापन पक्षले उम्मेदवार छान्ने अधिकार पदाधिकारीले लिने गरी प्रस्ताव पेश गर्न खोजेको भन्दै असन्तुष्ट पक्षले बहिस्कार गरेपछि बैठक स्थगीत भएको हो । उम्मेदवार छान्ने अधिकार पदाधिकारीले लिने व्यवस्था कांग्रेस विधान विपरित रहेको बताइएको छ ।

आज (७ कात्तिक) १ बजेका लागि कांग्रेस केन्द्रीय कार्यसमिति बैठक बोलाइएको थियो । आजको बैठक स्थगीत गरी आगामी १४ कात्तिक १ बजेका लागि बोलाइएको प्रवक्ता विश्वप्रकाश शर्माले जानकारी दिए ।