एकता सहित सवै काम सहमतिमै अघि वढेको प्रचण्डको भनाई

पाँचथर- नेपाल कम्युनिष्ट पार्टी(नेकपा)का अध्यक्ष तथा पूर्व प्रधानमन्त्री पुष्पकमल दाहाल प्रचण्डले पार्टीको एकताको क्रममा भएका सहमतिहरु क्रमश कायान्वयन भइरहेको वताएका छन् । एकता प्रकृया सहित अन्य सवै प्रकृयाहरु आपसी सहमतिमै भै रहेको वताएका छन् ।
पाँचथरको सदरमुकाम फिदिममा आयोजित पार्टी कार्यकर्ता प्रशिक्षण कार्यक्रमको पूर्व सन्ध्यामा आयोजित पत्रकार भेटघाट कार्यक्रममा वोल्दै अध्यक्ष प्रचण्डले सहमतिकै आधारमा अहिलेको अवस्था आइपुगेको वताए । अहिले एकता प्रकृयामा चिसोपन आएको भन्दै संचार माद्यममा आएका होहल्लाको पछाडि नलाग्न उनले आग्रह गरे ।

अर्का अध्यक्ष तथा प्रधानमन्त्री केपी शर्मा ओलि र आफु विच सहमति र समझदारीकै आधारमा अगाडि वढेको भन्दै दाहालले शान्ति प्रकृयाका वाँकी कुराहरुलाई अन्तिम रुप दिन आफुहरु हिजो मात्र पनि कुराकानी भएकोले वातावरण सकारात्मक भएकोले कार्यान्वयन चाँडै हुने वताए ।
पार्टी एकताका करिव सवै काम सकिएसंगै जिल्ला स्तरमा कार्यकर्ता भेटघाट तथा प्रशिक्षण कार्यक्रम सुरु गरी यस्लाई केन्द्र स्तर सम्म पुर्याउने तयारी गरेको वताए । सरकारको पहिलो वर्ष आधार वर्षको रुपमा लिंदै आगामी वर्षलाई स्थायीत्व सहित विकास र समृध्दिको वर्षका रुपमा विकास गर्नुपर्नेमा जोड दिए ।

चिनका राष्ट्रपति सीको भ्रमणले नेपालको विकासमा दिर्घकालिन र ठूलो महत्व राख्ने भन्दै अध्यक्ष दाहालले छिमेकी देशहरुसंगको सम्वन्ध थप मजवुत र प्रगाढ हुने वताए ।

कार्यक्रममा अध्यक्ष प्रचण्डका साथ पार्टीका महाँसचिव विष्णु पोखे्रले र संसदिय दलका उपनेता सुवासचन्द्र नेम्वाङको उपस्थिति रहेको छ ।
जिल्ला स्तरीय प्रशिक्षण कार्यक्रममा पार्टीका जिल्ला स्तरका करिव ७ सय कार्यकर्ताहरुको सहभागिता रहेको छ ।