प्रचण्डले पूर्व एमालेका कुन कुन नेतालाई भेटे?

काठमाडाैं– नेपाल कम्युनिस्ट पार्टी (नेकपा) भित्र दुई अध्यक्ष केपी शर्मा ओली र पुष्पकमल दाहालबीच सत्ता हस्तान्तरण वा पार्टीमा कार्यकारी अध्यक्षको विवाद भइरहँदा अर्का नेता माधवकुमार नेपाल भने मौन बसेका छन् ।

पार्टी एकताको बेला भएका समझदारी कार्यान्वयन हुनेमा शंका व्यक्त गर्दै पार्टीका अध्यक्ष दाहालले पार्टीका नेतासँग गुनासो गर्दा नेपाल भने मौन बसेका हुन् ।

उनले पार्टीका पछिल्ला गतिविधि र ओली दाहालबीच देखिएको आन्तरिक विवादमा केही बोलेका छैनन् ।

पार्टी एकताको समयमा भएकामध्ये आलोपालो प्रधानमन्त्री बन्ने समझदारी कार्यान्वयन हुनेमा शंका व्यक्त गर्दै पूर्वएमालेका नेतासँगको भेटघाटलाई अध्यक्ष दाहालले तीव्रता दिएका थिए ।

प्रधानमन्त्रीसमेत रहेका अध्यक्ष ओलीले पार्टी वा सरकारमध्ये एक जिम्मेवारी दिने आश्वासन दिए पनि बेलाबखत धोका महसुस गर्दै आएका छन् ।

दसैंलगत्तै दाहालले सचिवालय सदस्य इश्वर पोखरेलसँग घरमै पुगेर भेटघाट गरेका थिए । पोखरेलसँग करिब डेढ घन्टा छलफल गरेका दाहालले झलनाथ खनाल, माधवकुमार नेपाल र वामदेव गौतमसँग पनि छलफल गरेका थिए ।