बनमन्त्रीले कर्मचारीलाई निर्देशन दिंदै भने -‘काम गर्ने तरिका बदल्नुहोस ‘

जाजरकोट-वन तथा वातावरणमन्त्री शक्तिबहादुर बस्नेतले विकास खर्च कम भएकाले काम गर्ने तरिका बदल्न आग्रह गरेका छन् ।

जिल्लाका सरकारी कर्मचारीलाई निर्देशन दिँदै मन्त्री बस्नेतले भने , ‘अब कर्मचारी अभाव मात्र भनेर हुँदैन, समस्याको मूल जरो कहाँ हो भनेर पत्ता लगाएर काममा तीव्रता दिनुहोस ।’

जिल्लामा आएको बजेट एक चौथाइ पनि खर्च हुन नसकेपछि मन्त्री बस्नेतले यस्तो बताएका हुन् । खर्च भएको बजेटमा पनि गुणस्तरको अवस्था के छ ? त्यो पनि जाँच हुँने उनको भनाइ छ । उनले काम गर्नका लागि बजेटको अभाव नहुने भएकाले जनताले अनुभूति गर्ने गरी कामको गति बढाउन आग्रह गरे ।

मन्त्री बस्नेतले पुरानो तरिकाले काम गरे सफल नभइने बताए । उनले जिल्लामा सञ्चार, खानेपानी, विद्युत्, पर्यटन र अन्य जनताका सरोकारसँग जोडिएका विषयवस्तु छिट्टै सम्बोधन हुँने मन्त्रीले जानकारी गराए ।

प्रमुख जिल्ला अधिकारी जनकराज पन्तले जिल्लामा अझै पनि काम गर्ने तरिका बदलिन नसकेको गुनासो गरे ।