मन्त्रिमण्डल पुनर्गठन हुँदै, दुई मन्त्री बाहेक अरूलाइ हटाउने तयारी

काठमाडौं – प्रधानमन्त्री केपी शर्मा ओली र अर्का अध्यक्ष प्रचण्ड विच मन्त्रिमण्डल पुनर्गठनकाे विषयमा छलफलकाे केन्द्रित भएकाे छ।

मन्त्रीमण्डल पुनर्गठनकाे अन्तिम  गृहकार्यमा जुटेका दुईअध्यक्षले परराष्ट्र मन्त्री प्रदीप ज्ञवाली र सञ्चार तथा सूचना प्रविधि मन्त्री गोकुल बाँस्कोटा बाहेक अन्यलाई हटाएर नयाँ मन्त्री ल्याउने विषयमा छलफल गरेका छन्।

दशैं लगत्तै मन्त्रीपरिषदका सदस्य हेरफेर गर्ने साेंचमा रहेका प्रधानमन्त्री ओली र अर्का अध्यक्ष ‘प्रचण्ड’ चिनियाँ राष्ट्रपति शी चिनफिङको भ्रमणका कारण केहीदिन पर धकेफिएकाे छ। आफूनिकटका नेताहरूसँग  शीर्ष नेताहरूसँग प्रधानमन्त्री ओली र अध्यक्ष ‘प्रचण्ड’ले छलफल गरिसकेका छन्।

चिनीयाँ राष्ट्रपतिकाे भ्रमणमा खेलेकाे भुमिकाले परराष्ट्रमन्त्री ज्ञवालीकाे कार्यसम्पादन प्रति प्रधानमन्त्री ओली सन्तुष्ट छन्। साथै सरकारकाे प्रतिरक्षामा कडा रूपमा प्रस्तुत हुने सञ्चारमन्त्री गाेकुल बाँस्काेटालाई पनि नहटाउने सुरमा दुईअध्यक्ष छन्।