एसिड आक्रमण अन्त्य गर्न मृत्युदण्डको व्यवस्था हुनैपर्छ- सांसद यादव

काठमाडौँ– एसिड आक्रमण गर्नेलाई कानुन संसोधन गरेरै भएपनि आजीवन कारावास वा मृत्युदण्डको व्यवस्था हुनैपर्ने समाजवादी पार्टीका नेता तथा सांसद प्रदीप यादवले माग गर्नुभएको हो।

सांसद यादवले यस्तो जघन्य अपराध रोक्न र दोहोरिन नदिन कडा भन्दा कडा सजायको ब्यबस्थापनको आवश्यकता रेहेको प्रस्ट पार्नुभयो। भर्खरै भएको एसिड आक्रमणका घाइते मुस्कान खातुनको रकम अभावमा उपचारमा समस्या देखिएकाले सरकारसँग सहयोगका लागि समेत सरकारसँग आग्रह पनि गर्नुभएको छ।

आफ्नो तर्फ़बाट ५० हजार सहयोग गरेको र प्रदेश २ को मुख्यमन्त्रीलाई भनेर पाँच लाख रुपैयाँ सहयोगको व्यवस्था मिलाएको सांसद यादवले जानकारी गराउदै थप अपुग रकमभने सरकारको जिम्मेवारी भएको बताउनुभयो।