केहीले मरिहालोस् भनेका छन्, अझै १५ वर्ष अखडामा हुन्छु : प्रधानमन्त्री ओली

काठमाडौं- प्रधानमन्त्री केपी शर्मा ओलीले आफू अझै १५ वर्ष अखडामा नै रहने बताएका छन्। 

संविधान दिवस/राष्ट्रिय दिवस मूल समारोह समितिको बैठकलाई सम्बोधन गर्दै प्रधानमन्त्री ओलीले यस्तो बताएका हुन्।  विरोधीहरुले आफूलाई मरिहालोस् भनेको भन्दै अचम्म लागेको समेत उनले बताए।

‘यो बाँचोस् तैपनि मुकाबिला गर्छौं भन्ने छैन’, उनले भने, ‘मरिगए हुन्थ्यो भन्ने चाहनेहरुलाई आउँदो चुनाव पनि सामना गर्न तयार भएर बस्न भन्न चाहन्छु।’
अस्तित्व रक्षाको लडाइँमा अहिलेदेखि सुरु गरे हुन्छ’, उनले आग्रह गरे।

प्रधानमन्त्रीले आफू १५ वर्षअघि बिरामी भएको दोहोर्‍याए। ‘बाँकी १५ वर्ष अखडामा हुन्छु म। त्यसकारण पूजा अर्चना कतै गरेर केही हुन्छ भने गर्न दिने मेरो विचार छ’, उनले भने।

उनले बिहीबार आफू हल्का उपचारका लागि सिंगापुर जान लागेको बताए।