संघीय समाजवादी फोरम पार्टी सरकारबाट बाहिरिने

काठमाडौँ – संघीय समाजवादी फोरम पार्टी सरकारबाट बाहिरिने भएको छ । फोरमका वरिष्ठ नेता अशोक राईले आफ्नो पार्टी सरकारबाट बाहिरिने बताएका छन् ।

‘संविधान संशोधनसहितको राजनीतिक सहमतिमा सरकारलाई दुई तिहाइ बनाउन सघायौं’, किराँत राई समाधिस्थल व्यवस्थापन समितिको तेश्रो अधिवेशनमा शनिबार नेता राईले भने, ‘प्रधानमन्त्रीज्यूलाई सहमतिअनुसार संविधानको बाधक एउटा चुकुल खोलिदिनोस् भन्यौं । नसुनेरै एक वर्ष बित्यो ।’

राईले राजपा संविधानको बाधक धारा संशोधन नभएकैले सरकारबाट बाहिरिएको बताए कान्तिपुर दैनिकबाट । उनले भने, ‘प्रधानमन्त्री अरुलाई समान देख्ने अवसर दिनुहुन्न । उहाँ बयलगाडीको गतिमा अगाडि बढिरहनुभएको छ । त्यसैले अब हाम्रो पार्टी सरकारबाट बाहिरिन्छ ।’