‘मिस्टर एण्ड मिसेस इलाईट २०१९’ हुने

पोखरा-रोयल आर्कीनी हाउसको आयोजनामा दोस्रो संस्करणको मिस्टर एण्ड मिसेस इलाईट २०१९ हुने भएको छ । पोखरामा शनिबार पत्रकार सम्मेलनको आयोजना गर्दै जानकारी दिईएको हो ।

आर्कीनी हाउसका प्रबन्ध निर्देशक किस्मत पौडेलले १७ देखी २५ उमेर समूह भित्रका अबिबाहित महिला तथा पुरुषहरुले उक्त प्रतियोगीतामा भाग लिन पाउने बताए ।

उनका अनुसार बिजेताले रु ५० हजार नगद पुरस्कार, म्यूजिक भिडियो, मुस्ताङ भ्रमण, गिफ्ट ह्याम्पर प्राप्त गर्नेछन ।

बिभिन्न शिर्षकमा समेत पुरस्कारको ब्यबस्था गरिएको बताउदै पहिलो चरणको अडिसन भाद्र १४ गते र असोजको ११ गते उक्त प्रतियोगिताको फाईनल कार्यक्रम सम्पन्न गरिने पौडेलले बताए ।

उनले प्रतियोगितामा सहभागीहरुले क्षमता अभिबृद्धि, ब्यक्तिगत तथा सामाजिक बिकास, नाटक, अभिनय, नृत्य, भ्रमण तथा बिभिन्न शिर्षकमा सैद्धान्तिक तथा प्रयोगात्मक अभ्यासको मौका पाउने समेत बताए ।

यसअघि पहिलो संस्करणको प्रतियोगिता तनहुँको दुलेगौडामा सम्पन्न गरेको आयोजकले जनाएको छ ।