‘समृद्ध पाँचथर मेरो सपना’- मन्त्री आङ्बो

यासोक-पाँचथरको कुम्मायक गाउँपालिकामा निर्माण भएको यासोक क्याम्पसको भवन उदघाटन गरिएको छ ।

करिब २ करोड ५० लाखमा निर्माण भएको भवनको आइतबार प्रदेश नम्बर १ का आर्थिक मामिला तथा योजना मन्त्री इन्द्रबहादुर आङ्बो (मौसम) एक कार्यक्रमका बिच उदघाटन गर्नु भएको हो ।

क्याम्पसको १६ औ स्थापना दिवसको अवसर पारेर भवन उदघाटन गरिएको हो ।

कार्यक्रममा बोल्दै मन्त्री आङ्बोले अहिले भैरहेको बिकास निर्माणलाई निरन्तरता दिदै समृद्ध पाँचथर बनाउने आफ्नो सपना रहेको बताउनु भयो । तस्तै यासोक क्याम्पसमा बाकी रहेका संरचना निर्माण, इ-लाइब्रेरी निर्माणका लागि सहयोग गर्ने घोषणा गर्नु भएको छ ।

कुम्मायक गाउपालिका सुख्खा क्षेत्र भएकोले यश क्षेत्रमा पुर्वाधार तथा शिक्षा , स्वास्थ्य , खानेपानी , यातायात, युवा स्वरोजगार, कृषि र बिजुली जस्ता नागरिकलाई प्रत्यक्ष आवस्यक पर्ने बिषय माथी प्रदेश सरकारमा आफू डटेर पहल गरिरहने मन्त्री आङ्बोको भनाइ थियो ।

कार्यक्रममा मन्त्री आङ्बोले यासोक मोटरबाटो , उत्तरे यासोक मोटरबाटो यसै आर्थिक बर्षमा कालोपत्रे भइ सक्ने यासोक हुँदै साम्भोसेरा मोटरबाटो यसैगरी यासोक पिपलबोटे हुँदै तमोर कोरिडोर लुम्बुघाट सम्मको मोटरबाटोलाई पनि यसै बर्ष कालोपत्रे निर्माणकार्य अघि बढाउने बिश्वास दिलाउनु भयो ।

सो अवसरमा सहकारीद्वारा बिद्युत गर्न नागरिकलाइ घाटा र सास्ती भएकोले सहकारी सस्था मार्फत सन्चालन भइरहेका विद्युत सेवालाई अब प्राधिकरणलाइनै जिम्मा दिनुपर्ने बताउनु भयो ।

त्यसैगरी लामो समय अलपत्र रहेको तेह्रथुम जिल्ला र पाचथर जिल्ला जोडीने लुम्भुघाटको मोटोरेवल पुल पनि यसै आर्थिक बर्ष भित्र निर्माण ब्याबसायिले निर्माणकार्य सम्पन्न गरि सक्ने मन्त्री आङ्बोले जानकारी भयो ।

भवन उदघाटन कार्यक्रममा जग्गादाता, सहयोगदाता, क्याम्पसका संस्थापक सदस्य, सल्लाहकार शिक्षक सम्मान,र हालसम्मकै सर्बोकृष्ट अंक ल्याउने विद्यार्थीलाई सम्मान गरिएको छ । त्यस्तै आजै शिलालेखको पनि अनावरण गरिएको छ ।

कार्यक्रममा कुम्मायक गाउँपालिकाका अध्यक्ष बम लावती र पालिका उपाध्यक्ष महेन्द्र बहादुर खड्काले मन्तव्य राख्नु भएको थियो । स्वागत मन्तव्य क्याम्पस संचालक समितिका उपाध्यक्ष तथा कुम्मायक १ का अध्यक्ष देबेन्द्रकुमार लावतीले राख्नु भएको थियो ।

कार्यक्रम यासोक क्याम्पस संचालक समितिका अध्यक्ष जय बहादुर चेम्जोङको अध्यक्षतामा सम्पन्न भएको थियो ।