प्रदेश १ का नवनियुक्त मन्त्री र राज्यमन्त्रीद्धारा शपथ

काठमाडौं-प्रदेश–१ का नवनियुक्त मन्त्री तथा राज्यमन्त्रीहरूले शपथग्रहण गर्नुभएको छ ।

मुख्यमन्त्री शेरधन राईले शुक्रबार दुई मन्त्री र दुई राज्यमन्त्री नियुक्त गर्नुभएको छ । दुई जना राज्यमन्त्री भने मन्त्रीमा बढुवा हुनुभएको छ ।

राज्यमन्त्रीलाई मुख्यमन्त्री राई र मन्त्रीलाई प्रदेश प्रमुख सोमनाथ अधिकारी प्यासीले शपथ गराउनु भएको हो ।

टंक आङ्बुहाङले आर्थिक मामिला तथा योजनामन्त्रीको सपथ लिनु भएको छ । उषाकला राईले सामाजिक विकास मन्त्रीको सपथ लिनुभएको छ । कला घलेले कृषि राज्यमन्त्री र राजकुमार ओझाले वन राज्यमन्त्रीको सपथ लिनुभएको मुख्यमन्त्री राईका प्रेस सल्लाहकार ध्रुव सुवेदीले जानकारी दिनुभयो ।

हाल राज्यमन्त्री रहनुभएका अम्बिरबाबु गुरुङले भौतिक पूर्वाधार विकास मन्त्री र हाल राज्यमन्त्री रहनुभएका रामबहादुर मगरले कृषि तथा सहकारी मन्त्रीको सपथ लिनुभएको छ ।