बलात्कार घटनाका आरोपितविरूद्ध प्रहरीमा उजुरी

पाँचथर-१८ वर्षीया युवतीलाई बलात्कार गरेको आरोपमा फिदिम नपा–८ का २२ वर्षीय बालकुमार गुरुङविरूद्ध पुस ४ गते जिल्ला प्रहरी कार्यालयमा उजुरी दर्ता भएको छ ।

पीडितका आफन्तले दिएको उजुरी दर्ता गरिएको जिल्ला प्रहरी कार्यालय पाँचथरका प्रमुख डिएसपी शिद्धराज न्यौपानेले जानकारी दिए ।

पीडित युवतीलाई आरोपितले गत मङ्सिर ३० गते बलात्कार गरेकाले कानुनी कारबाहीका लागि उजुरी दिएको पीडितका आफन्तले बताए ।

पीडित युवतीको स्वास्थ्य परीक्षण तथा उपचार पुस ४ गते जिल्ला अस्पताल पाँचथरमा गरिएको छ ।

पीडितको उजुरी दर्ता भएकै दिन आरोपितलाई गिरफ्तार गरी जिल्ला अदालतबाट म्याद थप गरे पश्चात अनुसन्धान थालिएको डिएसपी न्यौपानेले बताए ।