पब्लिक टाइम्सले उत्कृष्ठ पत्रकारलाई सम्मान गर्यो

यासोक-पाँचथरको प्रहिलो पहिलो पत्रिका पब्लिक टाइम्स साप्ताहिकले सोमबार  सातौ बार्षिक उत्सब मनाएको छ ।

प्रेस काउन्सिल नेपालबाट ‘ख’ बर्गमा बर्गिकृत गरेको टाइम्सले शनिबार फिदिममा आयोजित एक कार्यक्रममा उत्कृष्ट संवाददाताका रुपमा कुम्मायक गाउपालिका क्षेत्रबाट समाचार सम्प्रेषण गर्ने पदम दुखी सम्बाहाम्फे र उत्कृष्ट कार्टुनिष्ठ ताराकुमार आङ्देम्बे उत्कृष्ट बिज्ञापनदाता गर्ज नेम्बाङ्लाई दोसल्ला ओढाएर नगद तथा कदर पत्रद्वारा सम्मान गरिएको थियो ।

बार्षिक उत्सव कार्यक्रम जिल्ला समन्वय समितिको अध्यक्ष बिष्णुप्रसाद सापकोटाको प्रमुख आतिथ्यमा भएको थियो । कार्यक्रममा पत्रकार महासंघका पूर्व अध्यक्ष लबदेब ढुंगाना , जङ्ग तामाङ, सन्देश इङ्वा , छवि चापागाईं लगायतले पत्रकारिताको बिशेता र समस्या बारे मन्तव्य राखेका थिए ।

कार्यक्रम पब्लिक टाइम्स साप्ताहिकका प्रकाशक गणेश साम्पाङ राइको अध्यक्षतामा भएको थियो ।