पाँचथरको हिलिहाङमा जिप दुर्घटना, ३ घाईते

पाँचथर- पाँचथरको हिलिहाङ गाउँपालिका वडा नम्बर ७ सम्बेवामा जिप दुर्घटना भएको छ । शुक्रवार दिउँसो भएको दुर्घटनामा ३ जना घाईते भएका छन् ।

घाईते हुनेहरुमा ताप्लेजुङ श्रीजङगा गाउँपालिका वडा नम्बर ५ बस्ने २२ वर्षिय मनराज ताम्लिङ,सोही ठाउँ वस्ने ३२ वर्षिय नारद सार्की,र पाँचथर याङवरक ६ वस्ने २६ वर्षिय राजु गुरागाँई रहेका जिल्ला प्रहरी पाँचथरले जनाएको छ ।

उनीहरुको जिल्ला अस्पताल पाँचथरमा उपचार भइरहेको जिल्ला प्रहरी कार्यालय पाँचथरका प्रहरी नायव उपरिक्षक सिद्धराज न्यौपानेले जानकारी दिए ।

विर्तामोड बाट ताप्लेजुङ तर्फ जाँदै गरेको मे १ ज ३०१४ नम्बरको बोलेरो जिप अनियन्त्रित भई सडकमा पल्टिँदा दुर्घटना भएको थियो ।