ज्वाइँद्वारा सासू र श्रीमतीको हत्या प्रयास

यासोक -पांचथर कुम्मायक गाउपालिका वार्ड नम्बर १ स्थित यासोकको पेन्धारेमा आज बिहान ९:३० बजे २८ बर्षिय जीवन दर्नालले सासू र श्रीमतीलाईधारिलो खुकुरी प्रहार गरि हत्या गर्ने प्रयास गरेका छन् |

दमक नगरपालिका २ बस्दै आएका जीवन दर्नालले ५० बर्षिय भिमकला दर्जी १९ बर्षीय आफ्नै श्रीमती सीता दर्जीलाई धारिलो खुकुरी प्रयोग गरेर हत्या गर्ने प्रयास गरेका हुन् |

खुकुरीले भिमकला दर्जीको बाँया गालामा २ पटक काटेर दात र जिब्रो समेत काटिएर गम्भीर अबस्थामा रहेको छ भने दाहिने हातमा काटिएको सीताको अवस्था सामान्य रहेको जनाइएको छ ।

जीवनले १९ बर्षीय सीतालाई गत बर्ष ललाइ फकाइ बिबाह गरेका थिए | बिहे गरेर सीता जीवनको घर पुग्दा जेठी श्रीमती पनि रहेको थाहा पाएपछि सीता माइतीघरमा फर्केर आमा सङ्गै बसेका थिइन् |

सीतालाई पटकपटक घर जान आग्रह गर्दा पनि अस्विकार गरेपछि विवाद हुँदै आएको थियो ।

घाइते भिमकला दर्जी र सीता दर्जीको पांचथर अस्पतालले सघन उपचारका लागि झापा रेफर गरेको छ |

जीवन दर्नाल दमकबाट यासोकमा आइ मादक पदार्थ सेवन गरि श्रीमति र सासुको हत्या गर्ने प्रयास गरेको कुरा इलाका प्रहरी यासोकका असई तारा चुडालले बताए ।

हत्या प्रयास गर्ने जीवन दर्नाल फरार रहेकोे र खोजी कार्य भइ रहेको कुरा असई चुडालको भनाइ छ |