पाँचथरमा १२ जनामा डेंगुँको संक्रमण, सचेत रहन स्वास्थ्य कर्मीको आग्रह

पाँचथर-पूर्वी पहाडको पाँचथर जिल्लामा दुई साता यता डेंगुका संक्रमण भएका १२ जना विरामी भेटिएका छन् । जिल्ला स्वास्थ्य कार्यालय पाँचथरको तथ्याङ्क अनुसार जिल्लामा १२ जनामा डेंगँुको सक्रमण भेटिएको हो ।

स्वास्थ्य कार्यालय पाँचथरले दिएका तथ्याङ्क अनुसार फिदिम १ का रोशन श्रेष्ठ, कल्पना भण्डारी, श्रीष्मा आङ्देम्बे, सोफिया थापा रहेका छन् भने । फिदिम ११ का कमल न्यौंपाने, फिदिम १२ का रामकुमार राई र फालेलुङ गाउँपालिका २ का लोकीमाया बाँनिया, लियन थोक्लिहाङ, देउमाया खत्री रहेका छन् ।

यस्तै पाँचथर जिल्लामा कार्यरत कर्मचारीहरु मोरङ घर भएका पुरुषोत्तम पौडेल र काठमाडौं घर भएका पुरुषोत्तम आचार्यलाई समेत डेंगुको संक्रमण भेटिएको कार्यालयका निमित्त प्रमुख तेजबहादुर तुम्बापोले जानकारी दिए ।

तुम्बापोका अनुसार जिल्ला अस्पताल पाँचथरमा डेंगँु परिक्षण गर्ने किड नहुँदा फिदिम स्थित समर्पित अस्पतालमा परिक्षण गरी डेंगुँ प्रमाणित भएको हो । जिल्लामा डेंगुँ फेला पर्न थालेपछि जिल्ला अस्पतालमा पनि ३० थान किड झिकाईएको छ । अव जिल्ला अस्पतालमै डेंगुको परिक्षण हुने तुम्वापोले वताए ।

डेंगुँ संक्रमित मध्ये केहिलाई जिल्ला बाहिर रेफर गरेर उपचार भइरहेको छ भने केहिको समर्पित अस्पताल पाँचथरमा उपचार भइरेहेको तुम्बापोले वताए । संक्रमितहरुलाई कसरी संक्रमण भयो भन्ने वारेमा प्रदेश सरकार संग सम्वन्वय गरेर अध्ययन सुरु गरीएको जिल्ला जनस्वास्थ्य कार्यालय पाँचथरले जनाएको छ ।

तराईका जिल्लाहरुमा देखिने डेंगु पहाडि जिल्ला पाँचथरमा समेत ठूलो संख्यामा फेला परेपछि स्वास्थ्य कार्यालयले तथ्याङ्क संकलन गर्न थालेको वताइएको छ । एक्कासी ज्वरो आउनु, ज्वरो पाँच सात दिन सम्म रहनु, आँखाको गेडी तथा टाउकोको पछिल्लो भाग धेरै दुख्नु, शरिर कटकटी दुख्नु लगायत डेंगुका लक्षण भएको तुम्बापोले बताए ।