पाँचथरमा भेटियो पाँच जनामा डेंगु

पाँचथर-पाँचथरमा पनि डेंगुका विरामी भेटिएका छन् । केहि दिन यता ज्वरोको लक्षण देखिएर परिक्षण गराउन आएका पाँच जनामा डेंगुे देखिएको हो । सदरमुकाम फिदिम स्थित जिल्ला अस्पताल र समर्पित अस्पतालमा आएका पाँच जनामा विरामीमा डेंगु भेटिएको हो ।

समर्पित अस्पतालका शिशिर आङ्बोका अनुसार फिदिम १२ का रामप्रसाद राई, फिदिम १ का रोशन श्रेष्ठ, कल्पना भण्डारी, गजेन्द्र भण्डारी र भेटनेरी अस्पताल तथा पशु सेवा विज्ञ केन्द्र पाँचथरमा कार्यरत नायव शुव्वा पुरुषोत्तम पौडेलमा डेंगु भेटिएको हो ।

डेंगुेको परिक्षण गर्ने किड समर्पित अस्पतालमामा मात्र छ । जिल्ला अस्पतालले समेत समर्पितमै परिक्षणका लागि रेफर गर्ने गरेको समर्पित अस्पतालका सूचना तथा सम्पर्क अधिकारी शिशिर आङवोले जानकारी दिए।

दुवै अस्पताल आएका मध्ये ५ जनामा डेंगु पुष्टि भएपछि २ जनालाई नोवल अस्पताल विराटनगर, एक जनालाई झापाको वि एण्ड सि अस्पतालमा पठाइएको आङ्बोले बताए । साथै वाँकी २ जनालाई समर्पित अस्पतालमा उपचारका लागि भर्ना गरिएको आङवोले जानकारी दिए ।