पाँचथरमा जङ्गली च्याउ खाँदा एकको मृत्यु

पाँचथर-जिल्लाको फाल्गुनन्द गाउँपालिका ५ फाक्तेपमा जङ्गली च्याउ खाँदा एक महिलाको मृत्यु भएको छ ।

मृत्यु हुनेमा फाल्गुनन्द गाउँपालिका ५ का गजेन्द्र चेम्जोङकी श्रीमती वर्ष ४८ की सुनिता चेम्जोङ रहेकी छिन् ।

उनको उपचारको क्रममा विराट नर्सीङ होममा मंगलवार विहान मृत्यु भएको जिल्ला प्रहरी कार्यालय पाँचथरले जनाएको छ ।

च्याउ खाएर गम्भिर विरामी भएकी उनकी सासू ७० वर्षिया सञ्चमाया चेम्जोङको विर्तामोड स्थित मनमोहन हस्पिटलमा उपचार हुँदै गरेको पारिवारिक स्रोतले जनाएको छ ।

मृतकका चार छोरा छन् ।