पाँचथरको तुम्वेवावाट गर्भवती महिलाको हेलिकोप्टर मगाएर उद्धार

पाँचथर- प्रशव वेदनाले छट्पटाइरहेकी पाँचथर तुम्वेवाकी एक महिलाको हेलिकोप्टर मगाएर उद्धार गरिएको छ । सोमवार उद्धार गरिएकी महिला जिल्लाको तुम्वेवा ४ की २० वर्षीय रुपा लिम्वू छिन । केहिदिन अगावै महिना पुगेकी उनलाइ जिल्लाका विभिन्न राजमार्गमा गएको पहिरोका कारण अस्पताल लैजान सकिएको थिएन ।

यसैविच उनी सहित पेटको बच्चाको ज्यान जोखिममा पर्ने सम्भावना देखिएपछि गृह मन्त्रालयवाट हेलिकोप्टर मगाएर उनको उद्धार गरिएको पाँचथरका प्रमूख जिल्ला अधिकारी मुरारी वस्तीले जानकारी दिए ।

लिम्वूलाई कोशी अञ्चल अस्पताल विराटनगर पु¥याइएको छ । स्थानीय स्वास्थ सस्थामा सुत्केरी गराउन सक्ने अवस्था नरहेपछि नेकपाका तुम्वेवा अध्यक्ष खड्ग सम्वाहाम्फेको अनुरोधमा गाँउ पालिका अध्यक्ष होमनाथ थापा सहित स्थानीय तह र प्रदेश सरकार अन्तरगतका जनप्रतिनिधिको पहलमा जिल्ला प्रशासन कार्यालयले हेलिकोप्टर मगाएको थियो ।

काठमाण्डौवाट आएको हेलिकोप्टरले मौवा स्थित इन्द्रायणी माविको खेल मैदानमा अवतरण गरी उनको उद्धार गरेको थियो ।