खेलकुदको विकास प्रदेस सरकारले गर्ने- मन्त्री घिमिरे

पाँचथर-प्रदेश १ का सामाजिक विकास मन्त्री जिवन घिमिरेले प्रदेश १ मा खेलकुद संस्थागत ढंगवाट अगाडि बढ्ने बताएका छन् । पाँचथरको सदरमुकाम फिदिममा वुधवारबाट सुरु भएको प्रदेश स्तरीय प्रथम मोएथाई प्रतियोगितालाई प्रमुख अतिथिको घिमिरेले त्यस्तो बताएका हुन् ।

खेलकुदको विकास र समृध्दिको लागि प्रदेश १ को ऐन निर्माण भइसकेको र नियमावली बन्ने क्रममा भएको भन्दै मन्त्री घिमिरेले नियमावली बनेपछि प्रदेश स्तर सहित जिल्ला र स्थानिय तहमा खेलकुद विकास बोर्ड गठन गरीने जस्ले यस क्षेत्रका खेलको संस्थागत विकासमा सहयोग मिल्ने वताए ।

प्रदेस १ ले खेलकुदको क्षेत्रमा ७ वटै प्रदेश भन्दा बढी रकम विनियोजन गरेको भन्दै मन्त्री घिमीरेले खेलकुदको सम्भावना धेरै भएकाले प्रदेशको पहिचान खेलको माध्यम वन्न सक्ने उनको भनाई थियो ।

खेलको माध्यमबाट युवाहरुको व्यक्तित्वका लागि प्रदेश सरकार अघि बढेको छ । खेललाई उच्च प्राथमिकतालाई खेलको माध्यमबाट जिविको पार्जन समेत गर्न सकिने उनको भनाई थियो ।

पाँचथरमा सुरु भएको मोएथाई प्रतियोगितामा नेपाल र भारतमा एकसय खेलाडी सहभागि रहेको आयोजक संस्था मोएथाई एसोसिएसन अफ पाँचथरले जनाएको छ । मोइथाई थाइल्याण्डको राष्ट्रिय खेल हो ।

प्रतियोगिता संचालन गर्न प्रदेश सरकारले १० लाख विनियोजन गरेको छ ।

प्रतियोगितामा पाँचथर, इलाम, तेह्रथुम, झापा, उदयपुर र दार्जिलीङबाट प्रतिस्पर्धामा गर्ने मोएथाईकी प्रमुख प्रशिक्षक रमा राईले जानकारी दिइन् ।

तीन दिनसम्म संचालन हुने अन्तर्गत आज भएको खेलमा सात रि बाउडका खेल भएको प्रशिक्षक राईले वताईन् ।

प्रतियोगिताको उद्घाटन सत्रमा खेलकुद क्षेत्रमा विशिष्ठ योगदान पुर्याएका विभिन्न व्यक्तिहरु र ज्येष्ठ नागरिकहरुलाई सम्मान समेत गरीएको आयोजक संस्थाका अध्यक्ष विक्रम राईले वताए ।