पाँचथरमा ६ महिनामा २५ मानव अधिकार उलङ्घनका घटना

पाँचथर-पाँचथरमा पछिल्लो छ महिनामा २५ वटा मानवअधिकार उलंघनका घटना भएका छन् ।

अनौपचारिक सेवा केन्द्र (इन्सेक) ले बिहीबार सार्जजनिक गरेको गरेको नेपाल मानवअधिकार वर्ष पुस्तक २०२० को अर्धबार्षिक समिक्षा कार्यक्रममा यो तथ्याङ्क सार्वजनिक गरिएको हो ।

इन्सेक पाँचथरका प्रतिनिधि मंगल वेघाले प्रस्तुत गरेको तथ्याङ्कमा २५ वटा घटनामा ४१ जना पीडित भएका छन् ।

जस अन्तर्गत राज्य पक्षबाट २ महिला र ६ पूरुष गरी ८ जना पीडित वनेका छन् भने गैर राज्यपक्षबाट ३१ महिला र दुई पूरुष गरी ३३ जना पीडित बनेका छन् ।

जिल्लामा नागरिक तथा राजनीतिक अधिकार, वाल अधिकार, महिला अधिकार, आर्थिक, सामाजिक तथा साँस्कृतिक अधिकार उलंघनका घटना भएको बताइएको छ ।

कार्यक्रममा सहभागि सरोकारवालाहरुले मानवअधिकार उलंघनका घटना न्यूनिकरणका लागि समुदायमा जनचेतना र शशक्तिकरणका कार्यक्रम गर्नुपर्नेमा जोड दिएका थिए ।