पाँचथरमा पहिरोले एक घर पुर्यो ,दर्जन वढि प्रभावित

पाँचथर-पाँचथरको याङवरक गाँउपालिका २ फलैंचाका का विभिन्न स्थानमा पहिरो गएको छ । भारी वर्षसँगै पहिलो गएको स्थानीयले जनाएका छन । मंगलवार राति याङवरक २ का मुक्लाबुङ, धिमाले चिङमा र बेतेनी लगायतका स्थानमा पहिरो गएको वडा नम्बर २ का अध्यक्ष देउकुमार योङहाङले जानकारी दिए ।

पहिरोले स्थानीय पहलमान राईको घर वगाएको छ भने । केहि वाख्रा,गोरु र गाई समेत वगाएको छ । लगातार वर्षा पछिको पहिरोले स्थानिय ३ टोलका दर्जन वढि घरहरुमा क्षति पुगेको वताइएको छ ।

घट्नास्थलमा प्रहरी टोली पुगी सकेको जिल्ला प्रहरी कार्यालय पाँचथरले जनाएको छ । पहिरोका कारण भएको क्षतिको एकिन विवरणा भने थप बिवरण आउन बाँकी छ ।

घटनास्थलमा सिमा प्रशासन कार्यालय च्याङथापुका प्रमुख बिनोद चौहान सहित फलैंचा प्रहरी चौकीको टोली समेत परिचालन भएको छ ।

पहिरोका कारण दर्जनौ घरपरिवार विस्थापित भएको घटनास्थलमा खटिएका असई जिवन कार्कीले जानकारी दिए ।

घटनास्थलमा सिमा प्रहरी चौकी च्याङथापु र प्रहरी चौँकी फलैँचाको प्रहरी टोली खटिएको छ ।

पहिरोले खानेपानी विद्युत र वाटोमा समेत ठूलो समस्या भएको वताइएको छ ।