कोरियामा महिला कामदार माथि यौन शोषण

सोल-कोरियाको मानव अधिकार आयोगले त्यहाँ आप्रवासी महिला कामदार शोषणमा रहेको प्रतिवेदन सार्वजनिक गरेको छ ।

प्रतिवेदनमा कम्पनीका सहकर्मी पुरुष तथा हाकिमहरुबाट आप्रवासी महिला कामदारहरु माथि यौन दुव्र्यहारमा पर्ने गरेको पाइएको उल्लेख गरेको छ ।

त्यहाँको राष्ट्रिय मानब अधिकार आयोगले ३ सय ८५ महिला आप्रवासी महिला कामदारमा गरेको एक सर्बेक्षणमा करीब १२ प्रतिशत आप्रवासी महिला कामदारहरुले आफरुहरुलाई अश्लिल कटाक्ष्य गर्ने, जबरजस्ती मादक पदार्थ सेवनमा वाध्यपार्ने तथा कार्यस्थलमा संवेदनशील अंगहरु छुने, शारीरिक सम्पर्कको लागि प्रस्ताव गर्ने गरेको उल्लेख गरिएको छ ।

सर्बेक्षणमा संलग्न ४५ जना बिदेशी महिला कामदारमध्ये ७ जनाले दुव्र्यहारमा परेपनि कसैलाई केही नभनी चुपचाप सहने गरेको, ११ जनाले आफूहरुले त्यस्तो व्यवहारको प्रतिवाद गरिरहेको बताएका छन् भने ३ जनाले विभिन्न धार्मिक समुह तथा नागरिक संस्थामा गुनासो गरेको र एक जनाले मात्र श्रम मन्त्रालयमा न्यायका लागि उजुरी दिएको बताएका छन् ।

त्यस्तै ७ जना महिला कामदारले यौन दुव्र्यबहार गर्नेले माफी मागेपछि कुनै उजुरी नदिएको, ३ जनाले कम्पनी नै परिवर्तन गरेको, २ जनाले यौन दुव्र्यवहार सहन नसकेर काम छाड्दा अवैध बनेको बताएका छन् ।

५० जना मानब अधिकावादीले बिभिन्न क्षेत्रमा गरेको सर्बेक्षणपछि प्रकाशित प्रतिवेदनमा विद्यमान रोजगार प्रणालीमा भएको नियमको कारण कम्पनी मालिकको अनुमति बिना कम्पनी परिवर्तन गर्न नपाउने हँुदा विदेशी महिला कामदार यौन दुव्र्यवहार सहेर बस्न बाध्य भएको निष्कर्ष समेत निकालिएको छ ।

त्यस्तै प्रतिवेदनमा समान कामका लागि ६९ प्रतिशत आप्रवासी महिला कामदारले मासिक १० लाख कोरियन ‘वन’भन्दा कम तलव पाउने गरेको उल्लेख छ ।

आयोगले समान काममा विदेशी पुरुषको तुलनामा महिलाको अवस्था अत्यन्तै नाजुक भएको, काम तथा ज्यालामा ठूलो अन्तर रहेको साथै न्यूनतम् मानब अधिकारसमेत हनन् भएको भन्दै यसको गहिरो अध्ययन हुनुपर्नेमा जोड दिएको छ ।