कोरियन भाषा परीक्षा लागि १० हजार जनाको आवेदन परिसक्यो , ८० हजार पुग्ने अनुमान

काठमाडौं – आगामी जेठ २७ र २८ गते हुन् लागेको इपिएस कोरियन भाषा परीक्षाको लागि बिहिबार बिहान १० बजेसम्म १० हजार जना भन्दा बढीले आवेदन फारम रजिस्ट्रेशन गरि सकेको ईपियस नेपालका प्रमुख बाबुराम खतिवडाले जानकारी दिए |

अनलाइन फारम मंगलबार राति १२ बजेदेखि खुलेको हो | परीक्षार्थीहरुले ग्लोबल आईएमई बैंकका शाखाहरुमा २४ अमेरिकी डलर जम्मा गर्नु पर्ने भएकोले बुधबार बिहानैदेखि लाइन लागेको देखिन्थ्यो |

बुधबार बेलुकी बैक बन्द हुनु भन्दा अघिसम्म १७ हजार भन्दा बढीले रकम जम्मा गरि सकेका पनि खतिवडाले बताए | यस बर्षको ईपियस परिक्षामा ८० हजार परीक्षार्थीले आवेदन दिने अनुमान गरिएको पनि उनले जनाए |

यस परिक्षामा उत्पादनमुलक क्षेत्रतर्फ ४००० र कृषि तथा पशुपालन क्षेत्रतर्फ ६२०० जना परीक्षार्थी उत्तीर्ण हुनेछन |