२०१८ मा सिबिटी परिक्षा खुल्ने निश्चित , पिबिटी परिक्षा यो बर्ष पनि खुल्ने

सोल – ईपिएस मार्फत कोरिया आएर फर्केका कामदारका लागी तीन-तीन महिनामा लिईने सीबीटी परिक्षा २०१८ मा खुल्ने निश्तित रहेको एचआरडी कोरियाका काउन्सलर श्याम खडकाले जानकारी दिए |

२०१६ को सिबिटी परिक्षा पास गरेर बसेका र कम्पनि परिबर्तन नगरी सोहि कम्पनिमा आउन पाउने सुबिधा कमिटेड वर्कर अन्तर्गत २०१७ मा आउन सक्ने सम्भावित श्रमिकको संख्या जम्मा गर्दा उक्त संख्यासंग मिल्न जाने हुदा २०१७ को लागि सिबिटी परिक्षा स्थगित गरिएको पनि उनले बताए |

कोरियाको कार्यकाल पुरा गरि पुन आउन पाउने सुबिधा सिबिटी र कमिटेड वर्करको लागि २०१७ लागि १३ हजार कोटा छुट्टाईएको छ |
अहिले स्थगन गरिएको सिबिटी परिक्षाको बारेमा छलफल गर्न एक प्रतिनिधि मण्डल कोरिया आउन लागेको ईपीएस कार्यालय ग्वार्कोका निर्देशक बाबुराम खतिवडाले हटपाटीसंग टेलिफोनमा कुराकानी गर्दै जानकारी दिए | पिबिटी परिक्षा यस बर्ष पनि खुल्ने निश्चित रहेको खतिवडाले प्रष्ट पारे |

२०१७ को लागि उत्पादनमुलक क्षेत्र तर्फ ४२ ,३००, कृषि तर्फ ६, ६००, फिसिङ तर्फ २,६००, कन्ट्रक्सन तर्फ २, ४०० र सेवामुलक तर्फ १०० गरि जम्मा ५४ हजार र आवश्यकता अनुसार सबै क्षेत्रमा थप्न मिल्ने गरि २,००० गरेर कुल ५६ हजार कोटा छुट्टाईएको छ |