सिबिटी परिक्षा बन्द नभई स्थगित

सोल – ईपिएस प्रणाली मार्फत कोरिया आएर २०१७ मा फर्कने कामदारले केहि समय सिबिटी परिक्षा दिन नपाउने भएका छन् |सिबिटी परिक्षा प्रत्येक ३ / ३ महिनामा खुल्दै आएको थियो |

२०१६ मा सिबिटी परिक्षा दिएर बसेका कामदारको संख्या धेरै भएकाले केहि समयको लागि स्थगित गरिएको छंग्वान बिदेशी परामर्श केन्द्रमा कार्यरत स्नेहा लामाले हटपाटीसंग टेलिफोनमा भनिन | लामा कार्यरत मरामर्श केन्द्रमा गत शुक्रबार एचआरडी कोरियाबाट स्थगित गरिए मेल प्राप्त भएको पनि बताईन |

त्यसै गरि बिदेशी परामर्श केन्द्रमै कार्यरत उमा गुरुङले पनि आफुले आज दिउसो एचआरडी कोरियामा टेलिफोन गरेर बुझ्दा अहिले केहि समयको लागि सिबिटी परिक्षा स्थगितको भएको जानकारी प्राप्त गरेको बताईन |

सिबिटी परिक्षा स्थगन नेपाल लगायत ईपिएस प्रणाली लागु भएको सबै देशमा लागु हुने पनि लामाले बताईन | अहिले सिबिटी परिक्षा पास भएर बसेका कामदार भने कोरिया आउन पाउनेछन | अब कहिले देखि फेरि परिक्षा खुल्ने भनेर अहिले नै समय निश्चित नभई सकेको पनि उनीले बताईन |

यसबारे सोल स्थित नेपाली दुताबासका श्रम सहचारी देवराज ढकालसंग बुझ्न खोज्दा अहिलेसम्म आफुलाई आधिकारीक जानकारी नआएको बताए |

यसबारे थप ईपिएस कार्यालय ग्वार्कोमा बुझ्न खोज्दा सम्पर्क हुन् सकेन |