कोरियामा औद्योगिक दुर्घटनामा परेर एक नेपालीको मृत्यु

सोल-दक्षिण कोरियामा रोजगारी गर्न आएका एक नेपालीको औद्योगीक दुर्घटनामा परेर मृत्यु भएको छ |

करिब दुई बर्षअघि कोरिया आएका सुनसरी इटहरीका केदार अधिकारीको काम गर्ने क्रममा मेसिनमा च्यापिएर मृत्यु भएको सगै काम गर्ने मृतकका साथी अशोक फुयालले जानाकारी दिए ।

ख्याङिदो यांगाम स्थित एक मोटर पार्टस कम्पनीमा कार्यरत अधिकारी आज बिहान करिब ११:४५ बजे काम गर्दैगर्दा दुर्घटना परेको बताइएको छ । ह्वासङ प्रहरी अहिले घटनास्थलमा पुगेर घटनाको विस्तृत जानकारी लिएर शव पोस्टमार्टमको लागि अस्पताल लगेको जानकारी प्राप्त भएको छ।

अधिकारी विवाहित भएको र नेपालका श्रीमती र एक एक छोरी रहेको बताइएको छ ।