कोरियामा म्याग्देलीको आफ्नै घर

सोल-कोरियामा रहेका म्याग्देली आपत बिपतमा आफ्नै घरमा बस्न पाउने भएका छन् | यसको व्यवस्था म्याग्दी प्रवासि नेपाली संघ (मोना) ले गरेको हो |

कोरियाको दोस्रो ठुलो पर्व सलनालको अवसर पारी ‘म्याग्दी घर’ को उदघाटन गरिएको छ | ‘म्याग्दी घर’मा कोरिया आई विविध कारणले कम्पनि छोडेका तथा कुनै समस्यामा परेका ब्यक्तिहरुलाई राख्न सक्ने गरि निर्माण गरिएको ‘म्याग्दी घर’ उदघाटन गरिएको छ |

मोना दक्षिण कोरियाको अध्यक्ष लोकबहादुर बानियाँको सभापतित्व तथा एनआरएन बरिष्ठ उपाध्यक्ष ओमनारायण जुग्जालीको प्रमुख आतिथ्यतामा सम्पन्न भएको कार्यक्रममा समितीमा रिक्त रहेका पदहरुमा मनोनयन समेत गरिएको छ ।

रिक्त सचिव पदमा सुनेश केसी, सदस्यहरुमा गोविन्द बानियाँ, सुमन पौडेल,मोनीका थापा , बिनिता क्षत्री र मदन बानियाँ नियुक्त भएका छन । सोहि कार्यक्रम बिच पाँच बर्षे कोरिया बसाइ सम्पन्न गरि नेपाल फर्कन लागेका संस्थाका खेलकुद संयोजक गंगाराज बानियाँलाई विदाइ समेत गरिएको थियो ।

कार्यक्रममा अन्य अतिथीहरुमा संरक्षकहरु भरत तुलाचन सल्लाकार भक्त तुलाचन ,गौरी बोगटी र थाईलैंड एनआरए न अध्यक्ष खगेन्द ढकालको आतिथ्यता रहेको थियो । साथै सोहि कार्यक्रममा संस्थाको आर्थिक आयव्यय विवरण समेत प्रस्तुत गरिएको थियो |