कहाँ गइन सबिना ?

टोकियो-अध्ययनका क्रममा जापान पुगेकी ललितपुर निवासी सविना महर्जन हराएको आठ बर्ष भएको छ | यति धेरै बर्षसम्म पनि उनको स्थिति अज्ञात रहेकाले परिवारलाई ठुलो चोट परेको छ | उनको खोजीका लागि दिदी विना महर्जनले हालै सार्वजनिक अपील गरेकी छिन ।

आठ वर्षदेखि जापानमा वेपत्ता सविनाको खोजीका लाग जापानस्थित नेपाली दूताबास, त्यहाँको प्रहरी तथा अन्य निकायलाई परिवारका तर्फबाट घच्घच्याइरहँदा पनि प्रभावकारी काम नभएको भन्दै उनको परिवारले असन्तष्टि जनाउँदै आएको छ ।

यस्तोमा सविनाका दिदी विनाले जापानमा रहेका नेपाली समुदाय, नेपाली दूताबास तथा गैरआवासीय नेपाली सबैलाई सविनाको खोजीमा सक्रियतापूर्वक लाग्न अपील गरेकी छिन । उनले जापानन जस्तो उच्च प्रविधि उपयोग हुने मुलुकमा आठ वर्षदेखि हराउँदा पनि कुनै पत्तो नपाउनु आश्चर्यको विषय भएको विनाको कथन छ ।

विनाका अनुसार जापान प्रहरीलाई सोध्दा अझै खोजी भैरहेको मात्र बताउने गरेकोमा दुःख व्यक्त गर्दै के यसरी जापानी नागरिक आठ वर्षदेखि हराइरहँदा यस्तै ढिलासुस्ती हुन्थ्यो भन्ने प्रश्न समेत उठाएकि छिन ।

यति मात्र हैन अहिलेसम्म सविनाको विषयमा कुनै जानकारी नआउनुका कारण कतै ठूलै षड्यन्त्र त छैन भन्ने प्रश्न उठाउँदै विनाले सबै नेपाली एकजुट भएर खोजी गर्न अव्हान गरेकी छिन ।

स्मरणीय के छ भने नेपाली दूताबासले यसविषयमा इन्टरपोललाई समेत जानकारी गराएको बताएको छ । तर, सविनाको खोजीका लागि जसरी प्रभावकारी कदम चालिनुपर्ने हो त्यो भने हुन सकेको छैन ।