कोरियामा औद्योगिक दुर्घटनामा परेर गुरुङको मृत्यु

सोल- दक्षिण कोरियामा एक नेपाली कामदारको औद्योगीक दुर्घटनामा परेर मृत्यु भएको छ | रोजगार अनुमति प्रणाली इपिएसबाट आएका स्याङ्जा राङखोलाका होमबहादुर गुरुङको औद्योगीक दुर्घटनामा परेर ज्यान गएको एक नेपाली कामदारले बताए ।

नेपाली कामदार गणेश पन्तका अनुसार छुन्छङ बुक्दो ओछानस्थित प्लाष्टिकको रिसाइकल कम्पनीमा कार्यरत गुरुङ बिहिबार ४.३० बजे काम गर्ने क्रममा दुर्घटनामा परेका थिए |

मृतकको शव अहिले सङमो अस्पतालमा राखिएको छ । चार वर्ष अघि आएका गुरुङको गुरुङ श्रीमती र एक छोरा एक छोरी छन ।