ढल्यो कोशी प्रदेश सरकार : बहुमतकै सरकार गठनको प्रयास गर्न आदेश

काठमाडौं- मुख्यमन्त्री उद्धव थापा नेतृत्वको कोशी प्रदेश सरकार ढलेको छ ।

सर्वोच्च अदालतको आदेशसँगै थापा पदमुक्त भएका छन् । कोशी प्रदेश सरकार नियुक्ति असंवैधानिक रहेको भन्दै निर्वतमान मुख्यमन्त्री हिक्मत कार्की सर्वोच्च गएका थिए ।

डा. आनन्दमोहन भट्टराई, ईश्वरप्रसाद खतिवडा र तिलप्रसाद श्रेष्ठको पूर्ण इजलासले परमादेश जारी गर्दै रिट निवेदकको पक्षमा फैसला गरेको हो ।

यस्तै सर्वोच्च अदालतले कोशी प्रदेशमा बहुमतकै सरकार गठनको प्रयास गर्न आदेश दिएको छ ।

मुख्यमन्त्री उद्धव थापाको नियुक्ति बदर हुने ठहर गरेको अदालतले संविधानको धारा १६८(२) बमोजिम नै सरकार गठनको प्रयास थाल्न भनेको हो ।

नेपालको संविधानको धारा १६८ को उपाधारा (२)बमोजिम अर्को सरकार गठन गर्ने विकल्प रहेसम्म सो विकल्प अपनाउनु वाञ्छनीय देखिएको भन्दै अदालतले प्रदेश प्रमुखलाई ७ दिन भित्र बहुमत प्राप्त गर्ने सदस्यलाई मुख्यमन्त्री नियुक्त गर्न परमादेश जारी गरेको छ ।