सीमा क्षेत्रमा गोली हानी महिलाको हत्या

काठमाडौं- धनुषाको मुखियापट्टि मुसहरनिया गाउँपालिका-२ स्थित नेपाल-भारत सीमा क्षेत्रमा अन्दाजी २५ वर्षीया महिलालाई गोली हानी एक महिलाको हत्या भएको छ ।

जिल्ला प्रहरी कार्यालय धनुषा प्रहरीले मोटरसाइकलमा आएका दुई अज्ञात व्यक्तिलेगएराति सवा ८ बजेतिर गोली हानी भारततिर भागेको प्रत्यक्षदर्शीलाई उद्धृत गर्दै जनाएको छ ।

धनुषाका प्रहरी प्रवक्ता डीएसपी वेदप्रसाद गौतमका अनुसार मृतक महिलाको पहिचान खुल्न बाँकी रहेको र कुन देशको नागरिक भन्नेसमेत पत्ता लागेको छैन । दशगजा पारी भारततर्फ घटना भएकाले भारतीय प्रहरीसँग समन्वयन गरेर अनुसन्धान गरिरहेको डिएसपी गौतमले बताएका छन् ।