आज पनि फोहोर विसर्जनमा स्थानीयको अवरोध

काठमाडौं- आज पनि स्थानीय बासिन्दाले धादिङ र नुवाकोटको सीमामा पर्ने बञ्चरेडाँडा ल्यान्डफिल साइटका काठमाडौँको फोहोर विसर्जनमा अवरोध गरेका छन् । आज बिहानैदेखि नुवाकोट र धादिङका स्थानीयवासी सडकमा निस्किएका छन् ।

यसअघि सरकार र काठमाडौँ महानगरपालिकासँग भएका सम्झौता कार्यान्वयन नभएको भन्दै स्थानीयवासी हिजोदेखि आन्दोलनमा उत्रिएका हुन् । उनीहरूले हिजो काठमाडौँबाट फोहोर लिएर गएका टिपरलाई अवरोध गरेपछि टिपर फोहोर विसर्जन नगरी फर्किएका थिए ।

आज काठमाडौँबाट फोहोर बोकेका गाडी नगएको भए पनि स्थानीय सडकमा निस्किएका छन् । हिजो फोहोर लिएर गएका केही टिपर सडक छेउमा पार्किङ गरेर राखिएका छन् ।