नेपाल वायुसेवा निगमले तिर्यो ८३ करोड ऋण

काठमाडौं- नेपाल वायुसेवा निगमले प्रेस विज्ञप्ति जारी गर्दै अन्तर्राष्ट्रिय उडानको लागि खरिद गरेका लिएको ऋण कर्मचारी सञ्चय कोष र नागरिक लगानी कोषलाई ८३ करोड ९ लाख ५५ हजार २८१ रुपैयाँ भुक्तानी गरेको जानकारी दिएको छ ।

आर्थिक वर्षको अन्तिम दिन आइतबार निगमले दुई न्यारोबडी र दुई वाइडबडी जहाजको लागि लिएको ऋण दायित्वको असार महिनाको किस्ता भुक्तानी गरेको हो । निगमले यसअघि २०७९ असारदेखि चैतसम्ममा २ अर्ब ९४ करोड २८ लाख ६५ हजार ८४४ रुपैयाँ किस्ता रकम भुक्तानी गरेको गरिसकेको छ ।

विभिन्न निकायहरुमा रहेका पुराना वक्यौता रकम तिरिएको छ भने कर्मचारी सञ्चय कोष र नागरिक लगानी कोषलाई समेत किस्ता तिर्दै आइरहेको कम्पनीले जनाएको छ ।