कार्यसूचीबाट हट्याे मिटर ब्याजसम्बन्धी विधेयक

काठमाडौं- आज संघीय संसदका दुवै सदनको बैठक बस्दैछ । बैठकमा मिटर ब्याजसम्बन्धी विधेयक कार्यसूचीबाट हटाएर अन्य विषय कार्यसूचीमा राखिएको छ । बैठक दिउँसो १ बजेका लागि बोलाइएको छ ।

एमालेले गत असार २० गते विधेयक पारित गर्ने दिन सदन अवरुद्ध गरेको थियो
। एमालेले सदन अवरुद्ध गरेको कारण सरकारले अध्यादेशमार्फत ल्याएको कानुन निस्क्रय छ । अध्यादेश प्रतिस्थापन गर्न ल्याइएको विधेयकलाई गत असार २०, २२ र २४ गते पारित गर्ने कार्यसूची राखिएको थियो ।

आजको बैठकमा प्रतिनिधिसभाका सचिव पद्मप्रसाद पाण्डेयले प्रतिनिधि सभामा उत्पति भएको “विनियोजन विधेयक, २०८०”का सम्बन्धमा राष्ट्रिय सभाबाट प्राप्त सन्देशको जानकारी गराउनेछन् ।

यस्तै कानून, न्याय तथा संसदीय मामिला मन्त्री धनराज गुरुङ्गले “केही नेपाल ऐन संशोधन गर्न बनेको विधेयक, २०८०” पेश गर्नेछन् । बैठकमा शिक्षा विज्ञान तथा प्रविधि मन्त्री अशोक कुमार राइले राष्ट्रिय सभामा उत्पत्ति भएको “नेपाल विश्वविद्यालय विधेयक, २०८० माथी विचार गरियोस” भन्नेप्रस्ताव प्रस्तुत गर्नुहुने कार्यसुचि छ ।