मनाङ एयर दुर्घटना : शव काठमाडौं ल्याइयो, पोष्टमार्टम गरिंदै

काठमाडौं- मनाङ एयरको बिहान भएको हेलिकप्टर दुर्घटनामा परेर ज्यान गुमाएका ६ जनाको शव काठमाडौं ल्याइएको छ । आज मंगलबार बिहान १० बजे सोलुखुम्बुबाट काठमाडौंका लागि उडेको मनाङ एयरको हेलिकप्टर सोलुखुम्बुको लिखुपिके गाउँपालिका-५ स्थित लाम्जुरापास क्षेत्रमा दुर्घटना भएको थियो ।

शव काठमाडौं शिक्षण अस्पतालमा लगिएको त्रिभुवन विमानस्थल कार्यालयका महाप्रवन्धक प्रतापबाबु तिवारीले जानकारी दिएका छन् । सुरुमा ४ जनाको शव ल्याइएको र दोस्रो हेलिकप्टरमा दुई शव काठमाडौं ल्याइएको तिवारीले थप बताए ।

प्रहरीको प्रारम्भिक अनुसन्धानका अनुसार उक्त हेलिकप्टर रुखमा ठोक्किएर दुर्घटना भएको थियो । शिक्षण अस्पतालले पोष्टमार्टमको तयारी भएको शिक्षण अस्पतालले जानकारी दिएको छ ।