एमालेको गठबन्धन प्रतिगामीसंग

काठमाडौं-नेकपा एमालेले आगामी निर्वाचनका लागि प्रतिगामी शक्ति मानिएको राजाबादीसंग चुनावी तालमेल गर्ने भएको छ।

पाँच दलीय गठबन्धनका उम्मेदवारसँग प्रतिस्पर्धा गर्न प्रमुख प्रतिपक्षी नेपाल कम्युनिस्ट पार्टी एमालेले राप्रपा लगायतका दलसंग ‘गठबन्धन निर्माण’का गृहकार्यमा जुटेको हो ।

एमालेले लोकतान्त्रिक समाजवादी पार्टी नेपाल (लोसपा) राष्ट्रिय प्रजातन्त्र पार्टी (राप्रपा), राष्ट्रिय प्रजातन्त्र पार्टी नेपाल (राप्रपा नेपाल), जनता प्रगतिशील पार्टी नेपाल (जप्रपा), तराई मधेस लोकतान्त्रिक पार्टी (तमलोपा) सहितका दलसँग चुनावी गठबन्धन बनाउने आन्तरिक गृहकार्यमा जुटेको छ ।

सत्तारूढ नेपाली कांग्रेस, नेपाल कम्युनिस्ट पार्टी (माओवादी केन्द्र), नेपाल कम्युनिस्ट पार्टी (एकीकृत समाजवादी), जनता समाजवादी पार्टी नपाल (जसपा) र राष्ट्रिय जनमार्चाका पाँच दलीय गठबन्धन रहकाे छ । पाँच दलीय गठबन्धन अहिले सिट बाँडफाँट आन्तरिक छलफलमा रहेको छ ।

स्रोतका अनुसार ओलीले लोसपा अध्यक्ष महन्थ ठाकुर, वरिष्ठ नेता राजेन्द्र महतो, राप्रपा अध्यक्ष राजेन्द्र लिङदेन, जप्रपा अध्यक्ष हृदयेश त्रिपाठी, राप्रपा नेपालका अध्यक्ष कमल थापालगायतसँग छुट्टाछुट्टै छलफल गरिसकेका छन् ।

निर्णाय छलफल एवं सिटबाँडफाँटका लागि एमालेले उपाध्यक्ष विष्णु पौडेललाई वार्ता एवं छलफल गर्न जिम्मेवारी दिएको छ । उता, लोसपाले सर्वेन्द्रनाथ शुक्ललाई वार्ताका लागि जिम्मेवारी दिएको छ । राप्रपा अध्यक्ष लिङदेनसँग ओली आफैं छलफल गरिरहेका छन् । उनीहरू दुवै झापाका हुन् ।

लोसपा नेता शुक्लले एमालेसँग चुनावी तालमेल’ छलफल भएको स्वीकार गरेका छन् । लोसपा शीर्षनेताको आन्तरिक छलफलमा ठाकुरले एमालेसँग तालमेल’ छलफल भएको जानकारी गराएका छन् ।