‘बाँदर’को कुरा सुनेर बनमन्त्री छक्क

काठमाडौँ-आजभोलि सिंहदरबार परिसरमा मान्छेको घुइचो देखिन्छ। ती मान्छेहरु हातहातमा फाइल बोकेर / च्यापेर ताहुर माहुर गरेको देखिन्छ। वल्लो मन्त्रालय पल्लो मन्त्रालय ओहोर दोहोर गरेको देखिन्छ।

त्यो घुइचोमा बिभिन्न मन्त्रालयका नियमित कर्मचारी भन्दा स्थानीय निकायका जनप्रतिनिधि धेरै देखिन्छन। बजेट आएपछिको अवस्थामा त्यसको छिटो कार्यन्वयनका लागि उनीहरु भनसुन गर्न दौड धुप गरिरहेका छन्।

गत साता यस्तै भिडमा देखिए तेह्रथुम फेदाप गाउँपालिका अध्यक्ष केशब भेटवाल सहित केहि जन निर्वाचित प्रतिनिधिरु । त्यहि समुहमा थिए कुम्मायक गाउँपालिकाका अध्यक्ष बम लावती । उनि एउटा पहाडे कागजको फाइल बोकेर हिडेका देखिन्थे ।

समुहको नेतृत्व भने भूपू मन्त्री सीता गुरुङ र पाँचथर जिल्ला समन्वय समितिका प्रमुख रामराज आङ्गदेम्बेले गरेका थिए।

भेटघाटको कार्यक्रम थियो वनमन्त्री प्रदिप यादवलाई भेटेर सम्बन्धित समस्याहरु अवगत गराउनु र समस्या समाधानको लागि अनुरोध गर्नु।

आफ्नो बोल्ने पालो आएपछि कुम्मायकका अध्यक्ष बम लावती बोले। उनले विभन्न जातको बिरुवा सुलभ तरिकाले छिटो उपलब्ध गराए पालिकोको सार्बजनिक जग्गामा वृक्षारोपण गर्ने बताउदै बाँदरको प्रसङ्ग जोडे, ‘मन्त्री ज्यु मेरो पालिकामा जनसंख्या भन्दा बढी बाँदरको संख्या रहेको छ त्यसैले किसानले दुख गरेर खेतीको फल खान पाई रहेका छैनन्। कि बाँदर मार्न पाउने ऐनको ब्यबस्था हुनुपर्यो होइन भने मन्त्रालयले पक्रेर निकुञ्जमा पुर्याउनु पर्यो। ‘

कुरा सुनेर बनमन्त्री यादव छक्क पर्दै सोधे, कसरि मान्छे भन्दा बाँदर बढी हुन्छ ?

लावती फेरी बोले -‘बसाइ सराइ लगायत विभिन्न कारणले खेति पाटि म्कम हुन्छ मन्त्री ज्यु, त्यसैले जंगल बढेको बढ्यै छ। उहिले अन्न उत्पादन हुने खेतबारी अहिले बाँदर बढाउने जंगल भएको छ। ‘

लावतीले थपे , ‘मन्त्री ज्यु मेरो पालिका ऐतिहासिक, पुरातात्विक धार्मिक हिसाबले महत्वपूर्ण पालिका हो त्यसैले यहाँ रहेका पार्कहरुलाई संरक्षण गरिदिनु पर्यो, यसका लागि निवेदन ल्याएको छु , यो लिनुहोस्। ‘

अध्यक्ष लावतीको निवेदनमा पालिकाको विभिन्न क्षेत्रको तटबन्ध गर्न र रानीगाउँ तिङ्गदेनमा रहेको ‘सम्बाहाम्फे चुत्लुङ्ग’ पार्कको सरक्षण गर्न बजेट माग गरिएको छ।

मन्त्रीले सबैको कुरा सुनेपश्चात सबैलाई आश्वासन दिए, ‘तपाईहरुको समस्या समाधान गर्न आजै सम्बन्धित निकायलाई निर्देशन दिन्छु। ‘